Akash Maharaj Singh LSG New Star Pacer
Ek rising Indian fast bowler hain jinhone IPL 2025 mein Lucknow Super Giants (LSG) ke liye apna debut match khelte hi impact create kar diya. Unhone Punjab Kings ke against match mein Priyansh Arya aur Josh Inglis jaise dangerous batsmen ko out karke sabka attention khinch liya. Lekin Akash Singh ka asli safar kaise shuru hua.
Chaliye jaante hain unki inspiring story.
Ek Kisan Ka Beta, Bade Sapne Ke Saath
Akash Maharaj Singh ka janam 26 April 2002 ko Nagla Ram Ratan gaon, Bharatpur (Rajasthan) mein hua. Unke pitaji ek kisan hain aur maa ek homemaker. Simplicity se bhari is background se aane ke baad bhi Akash ne kabhi sapne dekhna nahi chhoda. Unki cricket journey ki shuruaat Shardul Sports School, Bikaner se hui. Baad mein unhone MRF Pace Foundation join kiya jahan unhe Australian bowling legend Glenn McGrath ke under training mili.
Domestic Cricket Mein Chamak
2019 mein Akash ne apna domestic T20 debut Rajasthan ke liye Syed Mushtaq Ali Trophy mein kiya, jahan unhone debut match mein hi 2 wickets liye. Unki performance itni strong thi ki unhe India U-19 team mein select kiya gaya —
2019 Asia Cup aur 2020 World Cup ke liye. Under 19 World Cup mein Akash ne 6 matches mein 11 wickets lekar India ko final tak pahuchane mein bada yogdan diya. Zyada exposure ke liye Akash ne Nagaland aur Baroda jaise states ke liye bhi khela, jahan unhone conditions ke hisaab se khud ko adapt karke har format mein apne aap ko prove kiya. Ranji Trophy mein bhi unka performance solid raha, especially Mumbai jaise giant ke against unhone crucial wickets liye.
IPL Journey & Dhoni Wali Special CSK Story
Akash ko pehli baar Rajasthan Royals ne 2020 ke IPL auction mein pick kiya, lekin unhe limited chances mile. 2021 mein unka IPL debut hua, lekin asli pehchaan 2023 mein mili jab unhe Chennai Super Kings (CSK) ne replacement player ke roop mein team mein liya. MS Dhoni ke under unhone 4 matches mein 5 wickets liye. Dhoni ke guidance ne unki mindset aur match awareness ko sharpen kiya. Aaj bhi Akash ke liye CSK stint ek turning point mana jata hai.
2024-2025: Comeback With LSG
2024 mein unhe Sunrisers Hyderabad ne team mein liya tha, lekin unhe match khelne ka moka nahi mila. Lekin 2025 mein LSG ke saath unki comeback story ne sabko excite kar diya. Unke sharp angles, new-ball swing, aur crucial partnerships todne ki ability ne unhe ek game-changer bana diya hai. Ab unka naam Indian pace bowling ke future stars mein gina ja raha hai.
Umeed hai jald unko hum khelta hua bhi dekh sakte hai kyonki is season LSG ki grndbaazi bahut achhi nhi rahe sharsul thakur jaise senior or anubhavi khiladi ne bhi is season utna achha perform nhi kiya isse akash ke chance or bhi majboot hota hai ki frenchise shayad inko bhi ek mauka de or kya pata ye LSG ke liye ek asset saabit ho dekhte hai aage inko kab tak chance milta hai.
Akash Singh IPL Stats (May 4, 2025 tak)
- Matches: 8
- Wickets: 6
- Best Bowling: 2/40
- Economy Rate: 9.40
- Bowling Average: 39.17
Conclusion – Akash Singh: India Ka Agla Bowling Star?
Teen alag domestic teams ke liye khelna, U-19 World Cup mein perform karna, aur IPL mein 3 franchises ka hissa rehna – Akash ne har level par apne talent ka proof diya hai. MS Dhoni aur Glenn McGrath jaise legends ka mentorship unke liye priceless asset hai. Akash Maharaj Singh ek exciting talent bhi hai or abhi young bhi hain, lekin unki bhook aur dedication unhe ek future India international banane ke liye tayyar kar rahi hai.
read our article on WWE Raw 2025 Results Highlights